Moti i keq ka ndikuar edhe në lundrim. Për këtë arsye janë shtyrë oraret e lëvizjes së trageteve në dy brigjet e Adriatikut. Kështu do të ketë vonesa 8-orëshe në nisjen e trageteve të linjës Durrës-Bari, por edhe nga përtej Adriatikut me destinacion final Shqipërinë. Tragetet nuk do të nisen nga portet respektive në orarin e zakonshëm, 23.00, por do të nisen rreth orës 7:00 të mengjesit të së mërkurës në datën 11 janar nga Durrësi për në Itali. Kompanitë e lundrimeve duhet tē respektojnë detyrimet që lindin nga anulimi i lundrimit dhe që ka të bëjë me biletat e pasagjerëve.