Presidentja e Kosovës, Vjosa Osmani, ka njoftuar se ka marrë ftesë nga presidenti i SHBA-së, Donald Trump, për të përfaqësuar Kosovën në Bordin e Paqes për Gazën, si anëtare themeluese. Teksa ka publikuar letrën e marrë nga Trump, Osmani shkruan se Kosova qëndron si aleat i palëkundur i ShBA-së për ta quar paqen përpara. ‘Lidershipi i guximshëm nuk flet thjesht për paqe, ai e ndërton atë. Pikërisht këtë po e bën Presidenti Trump nëpërmjet kësaj iniciative historike. Ashtu si Amerika që solli paqe në Kosovë, sot Kosova qëndron si aleat i palëkundur i saj për ta çuar paqen më tej’, shkruan Osmani në postim në rrejtin social FaceBook. Që prej tensioneve të vitit 2023 në veri, të ushqyera nga një sërë veprimesh të Qeverisë së kaluar, nga vendosja e kryetarëve shqiptarë në komunat me shumicë serbe në veri, deri te mbyllja e shumicës së institucioneve serbe, Kurti u konsiderua nga Uashingtoni si pengesë, duke u përjashtuar edhe nga takimet diplomatike.