Kosova ishte një nga temat e diskutuara gjatë vizitës së ministrit të Jashtëm grek në Beograd. Në konferencën e përbashkët me homologun serb ai theksoi se qëndrimi i Greqisë ndaj statusit të Kosovës mbetet i pandryshuar, ndërsa ritheksoi mbështetjen për dialogun Beograd-Prishtinë të ndërmjetësuar nga Bashkimi Evropian. Po ashtu, ai deklaroi se Athina mbështet fuqishëm integrimin evropian të Serbisë dhe të vendeve të Ballkanit Perëndimor, duke e konsideruar zgjerimin e BE-së si një faktor kyç për stabilitetin dhe sigurinë në rajon. Ai vuri në dukje gjithashtu rëndësinë e bashkëpunimit në fushat e energjisë, infrastrukturës dhe ekonomisë.