Kosova ka ndaluar importin e gjedhëve nga i gjithë territorit i vendit, duke ashpërsuar masën parandaluese kundër murtajës së deleve dhe dhive, që në Shqipëri është konfirmuar në dy vatra, në Shkodër dhe Bulqizë. Një javë më parë, Agjencia kosovare e veterinarisë ndaloi importin e deleve dhe dhive me origjinë nga qarku i Shkodrës, por pas konfirmimit të vatrës së dytë në vendin tonë të regjistruar në fshatin Val të Bulqizës, vendimi është përditësuar duke ndaluar importin nga e gjedhëve nga i gjithë vendi ynë. Agjencia thotë se duke parë rrjedhën e situates në Shqipëri, përveç masës kufizuese në import, u kërkohet Komunave të Kosovës të brezit kufitarë me Shqipërinë, që përmes drejtorive të tyre për Bujqësi të vendosin masa strikte kufizuese të lëvizjes se bagëtive të imta në kullotat e brezit kufitarë. Fermerët u kërkohet që të bëjnë kujdes dhe të mbajnë nën mbikëqyrje bagëtitë e tyre dhe të pengojnë çfarëdo kontakti të kopeve të tyre me kopetë e fermerëve nga Shqipëria.