Presidentja e Kosovës, Vjosa Osmani është deklaruar rreth pjesëmarrjes së pjesëtarëve të Forcës së Sigurisë së Kosovës (FSK) në stërvitjet e përbashkëta ushtarake me ushtrinë amerikane. Kreu i shtetit të Kosovës , thotë se, ndërkohë që Kosova dhe vendet e rajonit po stërviten përkrah ushtrisë amerikane në kuadrin e stërvitjes “Defender 21”, Serbia po forcon ndikimin e Kremlinit, duke bërë stërvitje ushtarake me ushtrinë ruse. Osmani e ka bërë deklaratën e saj në “Twitter”, ku ka shkruar se Serbia po forcon ndikimin e Kremlinit dhe po destabilizon rajonin duke organizuar një stërvitje të përbashkët me ushtrinë ruse. “Defender Europe 21” është stërvitja më e madhe ushtarake e zhvilluar ndonjwherë në Ballkanin Perëndimor, dhe Shqipëria është vendndodhja kryesore. Me mijëra trupa nga SHBA, por edhe aleatë të tjerë të NATO-s, po tregojnë një rritje të aftësive ushtarake për të bashkëpunuar së bashku si aleatë. Në këtë stërvitje të madhe ushtarake janë angazhuar mbi 28 mijë ushtarë, shumica e të cilëve janë amerikanë.