Policia e Kosovës, ka finalizuar operacionin antidrogë të koduar ‘KONTROLLI’, dhe ka ndaluar dy automjete të dyshuara për transportim të substancave narkotike. Si rezultat I operacionit në Pikën e kalimit kufitar- Vërmicë, Policia ka identifikuar dy automjete të dyshuara me targa serbe, njëra nga të cilat më pas është ndaluar në Zveçan, ndërsa tjetra në Jarinjë. Policia e Kosovës njofton se gjatë kontrollit të detajuar të automjetit të ndaluar në Zveçan janë zbuluar hapësira të modifikuara për fshehjen e narkotikëve, ku janë gjetur rreth 25.9 kg substancë e dyshuar narkotike hashash, ndërsa automjeti i ndaluar në Jarinjë dyshohet se ishte në rolin e shoqëruesit për sigurim të rrugës”, thuhet në njoftimin e policisë. tre personat e dyshuar të përfshirë në rast, një shtetas i Serbisë dhe dy shtetas të Malit të Zi janë vënë në pranga për shkak të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge“. Lidhur me rastin, Policia thotë se të gjitha veprimet e mëtejshme do të ndërmerren në bashkëpunim dhe koordinim me organet e drejtësisë.