Një rast I shpërndarjes së drogërave të forta është goditur në kryeqytet, aty ku janë arrestuar dy persona dhe është shpallur në kërkim një tjetër. Në pranga përfunduan Arber Bardhi 25 vjeç dhe Vilson Çepele 38 vjeç, ndërkohë I shpalluri në kërkim është me inicialet E.Ç, 26 vjeç, të tre banues në Tiranë. Nga hetimet ka rezultuar se këta 3 shtetas kanë bashkëpunuar me njëri-tjetrin, për shpërndarjen e dozave të drogave të forta, në zona të ndryshme të Tiranës, kryesisht në klubet e natës. Gjatë operacionit “Clubs” janë sekuestruar 400 gramë lëndë e dyshuar narkotike kokaine, 1 tabelë policie, 3 automjete, 5 aparate celulare, 1 peshore elektronike, 76 800 lekë të rinj dhe 175 euro, që dyshohet se janë përfituar nga aktiviteti kriminal i këtyre shtetasve. Materialet i kaluan Prokurorisë pranë Gjykatës së Rrethit Gjyqësor Tiranë, për veprën penale “Prodhimi dhe shitja e narkotikëve”, kryer në bashkëpunim.