Presidentja e Kosovës, Vjosa Osmani dhe presidenti i Gjermanisë Frank-Ëalter Steinmeier kanë qenë të një mendimi, se në dialogun mes Kosovës dhe Serbisë tani ekziston një "moment i veçantë” pas propozimit evropian për normalizim të raporteve. Kështu thuhet në një deklaratë të lëshuar nga presidenca e Kosovës pas një bisede telefonike që Presidentja Osmani zhvilloi me presidentin gjerman, Steinmeier, ku u fol për dialogun mes Kosovës dhe Serbisë, që ndërmjetësohet nga Bashkimi Evropian dhe për procesin integrues të Kosovës. "Sa i përket procesit të dialogut me Serbinë, bashkëbiseduesit u pajtuan për momentin e veçantë që ekziston në këtë proces pas propozimit evropian, të mbështetur edhe nga SHBA-të, ndërkaq, Presidentja Osmani theksoi, se Kosova mbetet e përkushtuar dhe konstruktive për një proces që kontribuon për paqe dhe stabilitet të qëndrueshëm në rajon”, thuhet në njoftimin e presidencës së Kosovës.