Kryeqyteti i Malit të zi, Podgorica, është mbushur me postera dhe flamuj partish. Vendi, do të votojë të dielën në raundin e dytë të zgjedhjeve presidenciale, ku janë përballë njëri tjetrit Milo Gjukanovic dhe Jakov Milatovic. Presidenti aktual, dhe veteran njëkohësisht, Milo Gjukanovic ka dominuar skenën politike të vendit për më shumë se tre dekada. Ai sfidohet nga një ekonomist pro evropian dhe një rishtar në politikë, Jakov Milatovic. Këtu ne kemi një njeri që ka qenë në pushtet për 30 vjet, një njeri është epiteti i një diktature klasike, një abuzimi klasik me pushtetin, një njeri që ka lejuar korrupsionin dhe kriminalitetin të lulëzojë, që nuk i ka luftuar ato dhe as nuk ka tentuar ta bëjë. Kjo është mundësia e fundit që ta rrëzojmë një njeri të tillë nga pushteti, në mënyrë që dikush tjetër ta zëvendësojë Ne kemi një problem të madh për shkak të nepotizmit në të gjitha nivelet, në shoqëri, në punë, në edukim, kudo. Nuk ka një fushë të vetme ku ti do të doje të arrije dicka pa patur nevojë për të ashtuquajturat lidhje