Dr. Akshay Nair, kirurg I syve në Mumbai, po priste të operonte një paciente 25 vjecare, që ishte shëruar nga Covid-19 tri javë më parë. Brenda në sallë, një specialist otorinolaringolog kishte filluar tashmë operacionin mbi pacienten diabetike. Ai i kishte futur një tub në hundë dhe po hiqte indet e infektuara me mukormykozë, një infeksion mykotik i rrallë, por i rrezikshëm. Ky infeksion agresiv prek hundën, syrin dhe ndonjëherë edhe trurin. Pasi kolegu I tij mbaroi, Dr. Nair do të kryente një operacion 3-orësh për të hequr syrin e pacientes. “Do t’I heq syrin për të shpëtuar jetën e saj. Kështu e ka kjo sëmundje.” – tha ai. Në kulmin e një vale të dytë të Covid-19 në Indi, doktorët po raportojnë një shtim të rasteve të një infeksioni të rrallë, të quajtur “kërpudha e zezë”, mes pacientëve të shëruar nga Covid-19. Mucormykoza është një infeksion tejet I rrallë. Ai shkaktohet nga ekspozimi ndaj mykut, I cili gjendet në dhe’, bimë, jashtëqitje kafshësh, si dhe fruta apo perime të kalbura. “Ai gjendet kudo, në tokë dhe ajër, madje edhe në hundët dhe mukusin e njerëzve jo të sëmurë.” – thotë dr. Nair. Ai prek sinuset, trurin dhe mushkëritë, dhe mund të jetë fatal për diabetikët apo ata me imunitet të ulur, sic janë pacientët me kancer apo HIV/AIDS. Mukormykoza ka një shkallë vdekshmërie prej 50%, dhe mjekët besojnë se ajo mund të favorizohet nga steroidët që janë shumë efikasë në kurimin e pacientëve të sëmurë rëndë me Covid-19.