Një vjedhje ndodhi pasditen e kësaj të shtune në zonën e Ish-bllokut në Kryeqytet, ku dy persona arritën të vidhnin një shumë të madhe eurosh e të largoheshin. Shuma monetare iu grabit një taksisit I cili sipas dëshmisë së dhënë po transportone nga një exchange drejt një banke të nivelit të dytë një pako brenda së cilës ishin afërisht 220 mijë euro. Ai pohoi para hetuesve se ishte duke parkuar para bankës kur iu afrua një person dhe I theu xhamin e derës së pasagjerit e më pas mori pakon dhe u largua me shpejtësi. Lidhur me rastin hetuesit nisën punën dhe sekuestruan pamjet e kamerave të sigurisë rreth zonës dhe rrugës që përshkroi taksisti me qëllim identifikimin e autorëve. Hetuesit dyshojnë se ata kanë pasur dijeni të plotë të transportit të parave, gjë që nuk përjashton mundësinë e bashkëpunëtorëve shumë të afërt.