Është e katërta fitore elektorale radhazi për indipendentistët e Nicola Sturgeon, në zgjedhjet e rëndësishme në skoci, në kuadër të zgjedhjeve lokale britanike. Por Sturgeon nuk ka mundur të marrë shumicën absolute e për këtë i mungon një deputet i vetëm në parlamentin e Edimburgut. Ata që duan ndarjen, e që kërkonin fitoren për ti dhënë më shumë forcë kërkesës për një referendum për ndarje nga londra, mundësi kjo që deri më tani i është mohuar nga Boris Johnson, morën 64 vende. Një rezultat që parashtron skenarin e një përplasjeje direkte mes skocisë dhe Boris Johnson për një referendum të dytë për pavarësinë nga mbretëria e bashkuar: tani nuk ka asnjë justifikim demokratik për këdo që kërkon të bllokojë të drejtën e popullit skocez që të zgjedhë të ardhmen tij”, tha Sturgeon. Sipas saj, fakti që i mungon shumica absolute nuk dëmton mundësinë e referendumit. Kjo pasi edhe të gjelbrit skocezë, që mbështesin referendumin kanë marrë vende në asamblenë lokale. Në skoci, është mbajtur më herët një referendum për pavarësinë në 2014-ën. Atëherë, 55 për qind e zgjedhësve votoi për të qëndruar në mbretërinë e bashkuar. Por ideja e një referendumi të ri, u bë më e prekshme pas fitores së votës po në referendumin për brexitin në 2016-ën. Në atë rast në fakt, 62 për qind e skocezëve votuan për të qëndruar në BE por u detyruan të respektonin vullnetin e atyre që votuan për daljen prej tij.