“Të pabaza dhe të pavërteta” I ka cilësuar, ish-presidentja e Kosovës, Atifete Jahjaga raportimet për lidhjen e saj me Jeffrey Epstein, duke iu referuar një materiali nga shumë të tjera që u publikuan së fundmi nga Departamenti amerikan i Drejtësisë. “Mirë se vini në Paris, Princesha nga Tajlanda do të jetë në New York, Kombet e Bashkuara, me presidenten e Kosovës. Ajo do të donte të ju takonte nëse keni kohë këtë javë”, ishte email-i i dërguar nga një person me emrin “Daniel” që figuron në dosjen Epstein. Emaili që figuron të jetë i vitit 2012, kohën kur Presidente e Republikës së Kosovës ishte Atifete Jahjaga. Përmes një postimi në FaceBook, Jahjaga shkruan se si presidente, nuk ka pasur “asnjë njohje, takim apo çfarëdo kontakti” me Epstein. Ajo thotë se përmendja e emrit të saj ka të bëjë me “një korrespondencë të palëve të treta”.