Hetimet në Itali për zbardhjen e vrasjes makabre të çftit Shpëtim dhe Teuta Pasho po përpiqen të hedhin dritë mbi atë çfarë ka ndodhur. Djali i bashkëshortëve të ndjerë, Taulant Pasho ka dhënë detaje të reja që mund të ndihmojnë autoritet në zbardhjen e kësaj ngjarje të rëndë. Mediat italiane shkruajnë se gjatë marrjes në pyetje Taulant Pasho ka thënë se prindërit e tij mbanin me vete një shumë parash, që arrinte në disa dhjetëra, mijëra euro. Me zhdukjen e çiftit edhe paratë ishin zhdukur në mënyrë misterioze. 33 vjecari Taulant Pasho, i marrë në pyetje në burgun e Comos ku ai po mbahet për një tjetër akuzë, gjithashtu i ka dhënë përgjigje një sërë pyetjesh që i janë bërë në lidhje me ish-të dashurën e tij Elona Kalesha, e cila u hetua se bashku me të për vdekjen e çiftit së bashku me vëllain e saj Denis Kalesha. Ai ka thënë se ka marrë nga Elona Kalesha një shumë të konsiderueshme në disa mijëra euro që ia kishte dhënë asaj borxh, vetëm disa ditë pas zhdukjes së prindërve të tij. Eshtrat e trupave të çiftit shqiptar u gjetën dhjetorin e kaluar të copëtuara dhe të ndara në disa valixhe të braktisura në buzë të një toke ngjitur me burgun Sollicciano. Si autore e dyshuar e ngjarjes është arrestuar Elona Kalesha, por ajo nuk e ka pranuar krimin e rëndë.