Lëvizja Vetëvendosje ka marrë sërish mandatin e 52-të në Kuvendin e Kosovës për zgjedhjet e parakohshme të 7 qershorit, pas përditësimit të fundit të rezultateve zgjedhore, ku janë numëruar mbi 93 për qind e votave. Aktualisht, mandati i është marrë Partisë Demokratike të Kosovës, e cila tani pozicionohet me 22 deputetë, nga 23 sa kishte. Ndërsa LDK vijon të ketë 19 mandate dhe AAK 7. Sakaq, procesi i numërimit të votave me postë është ende në zhvillim, ndërsa sipas të dhënave të fundit, janë numëruar mbi 55 % e tyre. Procesi i votimit përmes postës është zhvilluar nga 21 maji deri më 6 qershor 2026, ndërsa numri i qytetarëve të regjistruar për këtë formë votimi ishte rreth 105 mijë. Një ditë më parë, KQZ përbylli procesin e vlerësimit të 85,790 pako të supozuara me fletëvotime, prej të cilave u aprovuan 82,809, dhe u refuzuan 2,981.