Top News- 5 ditë para 1-vjetorit të luftës/ Ukraina bën bilancet për Rusët, qindra të vrarë në ditë

Kur agresioni ushtarak I Rusisë mbi Ukrainën për 5 ditë mbush plot një vit, Kievi vijon të bëjë bilancet për këtë betejë. Sipas autoriteteve ukrainase, forcat ushtarake të Rusisë kanë pësuar rreth 143,000 viktima që nga fillimi i luftës. Në përditësimin e fundit që bën Ministria e Mbrojtjes e Ukrainës thuhet se numri i viktimave nga pala ruse kishte arritur në 142,860, ku vetëm të shtunën janë shënuar 590 viktima në mesin e ushtrisë ruse. Në të dhënat e publikuara nga Ministria bëhet e ditur se 3,310 tanke dhe 6,545 automjete të blinduara luftarake ishin shkatërruar deri më tani.