Deputetët e Kuvendit të Kosovës kanë dështuar këtë të martë për të pesëmbëdhjetën herë me radhë të konstituojnë Parmalentin, të dalë nga zgjedhjet e shkurtit. Deputetët refuzuan për të shtatën herë rresht të formonin komisionin për mbikëqyrjen e një votimi të fshehtë për kryeparmalentarin, pasi PDK, LDK, Lista Serbe dhe AAK-Nisma vijojnë refuzojnë të propozojnë anëtarë për këtë komision. Kryesuesi i seancës konstituive, Avni Dehari, deklaroi se seanca e radhës do të mbahet më 15 maj, në orën 10:30. Opozita u shpreh se është jokushtetuese mënyra se si LVV-ja po tenton që kryeparlamentari të votohet përmes formës së fshehtë. Aleanca për Ardhmërinë e Kosovës (AAK), ditën e hënë ka dërguar në Gjykatën Kushtetuese të Kosovës çështjen e votimit të fshehtë për kryetarin e Kuvendit të Kosovës.