Policia e Kosovës bastisi shtëpinë e serbes, që së bashku me të dashurin e saj, pjesëtar i forcave ajrore kroate, u arrestuan në Kroaci nën akuza për spiunazh për Serbinë. Zëvendësdrejtori i Policisë së Kosovës për rajonin e Veriut, Veton Elshani, i tha Radios Evropa e Lirë se bastisjet u kryen në Mitrovicën e Veriut rreth orës 20:00, pas publikimit të informacioneve se gruaja, ishte arrestuar në Kroaci. Policia gjeti një sprej, disa gëzhoja dhe fishekë, u shpreh Elshani, qw theksoi se autoritetet e Kosovës janë në koordinim të ngushtë me autoritetet kroate për këtë rast. Ndërkaq, NATO-ja tha se trajton me “seriozitet” pretendimet se piloti kroat ka zbuluar tek e dashura e tij informacione për lëvizjet e serbëve në veri, si dhe të pjesëtarëve të këtij misioni. “Ne i marrim shumë seriozisht këto pretendime. Siguria e personelit të KFOR-it dhe integriteti i informacionit të klasifikuar janë parësore”, tha njw zyrtar. Tw enjten Prokuroria e Qarkut në Split njoftoi se ndaj të dyshuarve ka caktuar masën e paraburgimit. Pas publikimit të lajmeve për arrestimin e dy të dyshuarve për spiunazh për Serbinë, nga Qeveria në detyrë e Kosovës kanë shprehur gatishmëri që të bashkëpunojnë me autoritetet kroate për këtë rast, pasi "veprimtaria e të arrestuarve është zhvilluar në Kosovë".