Shefi i Grupit Parlamentar të Partisë Demokratike të Kosovës, Abelard Tahiri i kërkoi llogari kryeministrit Albin Kurti lidhur me skandalin e kamionit që u kap me 400 kilogramë kokainë në Lipjan. Tahiri u tregua i drejpërrejtë në pretendimet e tij, duke thënë se kamioni ishte dërguar nga vëllai i kreut të Doganave, i cili është emëruar nga Kurti vetë. “ Unë nuk desha ta them, po ti e përmende si histori të suksesshme rekrutimin e këtij drejtori. atëherë na shpjego si është e mundur që dërgimin e kamionit ku u kapën 400 kilogramë kokainë e ka bërë vëllai i drejtorit të doganave. Si është mundur. Në rrethana normale ky drejtor duhet të ishte shkarkuar menjëherë. Kjo është e tmerrshme z. kryeministër. Kjo nuk është aferë por është megaferë”, tha Tahiri. Kamioni me 400 kg kokainë, i kapur në Lipjan para disa ditësh, ishte me "origjinë" nga Brazili, ndërsa pasi kishte ndaluar dhe në Gioia Tauro të Italisë, kaloi edhe nga porti i Durrësit. Transportuesi u kishte deklaruar punonjësve doganore kishte vetëm produkte mishi.