Shtimi i shpejtë i rasteve me koronavirus po ngjall, shqetësim në Kosovë. Viktima më e fundit e sëmundjes mësohet të jetë një i ri vetëm 19 vjec nga Kacaniku. Një spitale ka një rritje drastike të numrit të personave të shtruar, 757 nga 100 që ishin në fillim të gushtit, 653 janë të konfirmuarit pozitivë me Covid 19, 610 janë me oksigjen, 26 mbeten në gjendje të rënduar shëndetësore. Kosova shënoi një ditë më parë një rekord rastesh të reja me Covid 19, 2.250- shifra më e lartë ndonjëherë e infektimeve ditore, si dhe 4 vdekje. Sipas Ministrisë së Shëndetësisë, grup-mosha kryesore ku janë regjistruar me shumë raste të reja është ajo 20-29 vjeç e pasuar nga moshat 30-39 vjeç. Dramatik ishte një ditë më parë bilanci i viktimave në Maqedoninë e Veriut, ku u shënua 24 vdekje nga sëmundja. Si këtë vend, ashtu edhe Kosovën, Gjermania i shpalli zona me rrezik të lartë për përhapjne e koronavirusit, e njoftuar kjo nga Instituti Robert Koch. Nga 20 gushti gushti, në Kosovë hynë në fuqi masa të reja kundër pandemisë, e menjëherë u shtuan gjobat. Vetëm gjatë 24 orëve të fundit, policia e Kosovës vendosi 664 gjoba ndaj personave që i shkelën këto masa.