Grabitën dyqanin ushqimor në Spitallë, një nga autorët e dyshuar humb ndjenjat në sallën e gjyqit. Ngjarja e pazakontë ndodhi pak minuta në gjykatën e Durrësit ku po zhvillohet seanca për caktimin e masës së sigurisë ndaj dy të arrestuarve për vjedhje. Gjatë seancës së drejtuar nga gjyqtarja Besjana Gërxanaj njëri prej të akuzuarve është ndjerë keq dhe seanca është ndërprerë. Erlind Shehaj 35 vjeç ka humbur ndjenjat dhe menjëherë është njoftuar shërbimi i urgjencës. I riu është nxjerrë me karrocë nga ambientet e gjykatës së Durrësit dhe dërguar në spital ku po trajtohet nga mjekët.