Gazetarët e Fiksit dërgojnë prindin e 10 vjeçares, së pari në drejtornë e shkollës ku ky i fundit i thotë se po nuk ka marrë kempin nuk mund ta trajtohet me mësuese ndihmëse. Kështu prindi drejtohet për të disatën herë në ZVAP Shijak ku edhe aty i thuhet se pa kempin nuk mund të ofrohet mësuese ndihmëse , për të përfituar këtë të fundit prindi i 10 vjeçares duhet patjetër të vendosë në dispozicion fletën e vendimit të kempit që është aktiv, sepse ky është kushti kryesor. Në lidhje me problemin e nxënëses Eleni Marsela së shkollës 9 vjeçare Muharrem Plaku në qytetin e Shijakut, redaksia e emisionit Fiks Fare ju drejtua me një kërkesë për informacion Ministrisë së Arsimit ku pyeti mbi proçedurat që nevojiteshin për përfitimin e mësueses ndihmëse me fëmijë më statusin AK (Aftësi e Kufizuar). Kjo Ministri tha se në zbatim të Urdhërit nr. 31 datë 28.01.2020 për “ Miratimin E Rregullores Për Funksionimin E Institucioneve Arsimore Parauniversiatre Në Republikën E Shqipërisë”, Kreu XIV, Neni 80, pika 6 është e detyrueshme që personi i cili ushtron përgjegjësinë prindërore të paraqesë raportin vlerësues nga komisioni mjekësor, kur fëmija është i vlerësuar nga ky komision. Në mungesë të një raporti nga KMCAP, KMD (Komisioni Multidisiplinar) rekomandon paisjen me raport mjekësor nga KML (Komision i Mjekësisë Ligjore) pranë poliklinikave shëndetësore përkatëse.