"Fiks Fare" denoncoi mbrëmjen e së enjtes veprimet e inspektorëve shtetëore, të Tatimeve dhe të Inspektoriatit të Mbrojtjes së Territorit, të cilët shkojnë dhe kontrollojnë biznese private pa asnjë mjet identifikues. Madje, në këto inspektime ata grushtohen dhe konfliktohen me pronarët e subjekteve private. Në redaksinë e emisionit "Fiks Fare" kanë mbërritur disa denoncime për mënyrën sesi punonjës shtetërore shkojnë dhe bëjnë inspektime në subjekte private. Rasti i parë është i 3 punonjësve të Inspektoriatit të Mbrojtjes së Territorit pranë Bashkisë së Tiranës. Punonjësit shkojnë në një subjekt me makinë pa logo të IMT-së, pa mjet identifikimi në qafë dhe pa jelekë me logon e Institucionit. Për më tepër, inspektorët debatojnë dhe bëjnë grushte me punonjësit e subjektit privat. Rasti i dytë është i disa punonjësve të Drejtorisë së Përgjithshme të Tatimeve, ku disa inspektorë të Hetimit Tatimor kanë shkuar në një subjekt pa asnjë mjet identifikues, madje nuk kanë bërë asnjë akt-konstatimi. 3 punonjësve iu dha masë administrative vërejtje me paralajmërim nga puna, ndërkohë përgjegjësi me të njëjtën masë, por u dorëhoq.