Fadil Gjoci banues në qytetin e Kavajës, ka kërkuar ndihmën e emisionit Fiks Fare, pasi Enkeleda vajza e tij, prej 10 vitesh është e diagnostikuar me "PSIKOZA SKIZOFRENIKE" dhe obezitet. Fadili tregon se vajza trajtohej me kemp, por që prej muajit Maj 2022 i është ndërprerë, si pasojë e pamundësisë për ta dërguar në komision. Ai thotë se vajzën e ka të pamundur ta lëvizë, sepse është obeze. Shuma që pacientja merrte ishte 220 mijë lekë të vjetra. Fadili, babai i Enkelejdës thotë se jetesa për ta është shumë e vështirë pasi jetojnë në kushte të vështira ekonomike dhe me pensionin që ai merr nuk mjafton as për qiranë e shtepisë së tyre. Hera e fundit që ai e ka dërguar Enkelejdën 36 vjeçe në spital ka qenë para 10 vitesh me ndihmën e djemve, por që tani e ka të pamundur.