Fiks Fare intervistoi edhe inxhinierin e kompanisë që po shtronte tubat e ujësjellësit. Ergis Topi pohoi për gazetarët se ata po punojnë në anë të rrugës dhe se me mbarimin e punimeve ata e kanë në kontratë që rrugën do ta rikthejnë në gjendjen e mëparshme. " Rruga ka qenë e prishur që kur kemi fillluar punimet në gusht të vitit që shkoi. Aty ku ne kemi ndërhyrë do e rikthejmë në gjendjen e mëparshmë" shprehet inxhinieri Topi. Fiksi u interesua edhe pranë Njësisë Administrative Shënkoll, ku administratori Lina Guri tha se në këtë rrugë ishte investuar para dy viteve, por që investimet nuk kanë reshtur. Pasi të përfundoj ujësjellësi i fshatit do të rehabilitohet sërish rruga. Kësaj radhe pohoi ai rrugës do t'i bëhet një studim i mirëfilltë sizmologjik, pasi vendi ku ajo shtrihet dikur ka qënë nën ujë dhe tokë pa bazament. " Gjithsesi firma aktuale që po shtron tubacionet e ujësjellësit ka marrë përsipër riparimin e rrugës, dhe jo vetëm këtë segment por të gjitha segmentet e bregut të Tales" shprehet administratori Guri duke pohuar se çdo gjë do të përfundojë para sezonit veror.