Në zonën e Paskuqan 2 nën administrimin e Bashkisë Kamëz banorët ankohen për emrin e rrugës e cila deri më sot njihet me tre emra të ndryshëm. Kjo gjë ka sjellë çoroditje tek banorët, pasi nuk mund të marrin shërbimet e postës , ambulancës apo zjarrfikëses, sepse nuk i gjejnë dot me emrin e ri të rrugës. Ndërkohë që prej një viti kjo rrugë nuk mban më këtë emër, por ia kanë ndryshuar. Por në Google Map, rruga mban emrin e mëparshëm, pra ende nuk është bërë ndryshimi. Kjo nuk është e vetmja rrugë në këtë bashki që ka probleme me emërtimin , por sipas nënkryetarit të bashkisë ky 'mish mash ' është i mbartur nga administrata e mëparshme. Madje brenda bashkisë ka edhe shkolla që mbajnë të njëjtin emër.