Pas Njësisë Administrative gazetarët bashkë me qytetaren i drejtohen Bashkisë Kavajë. Gjatë interesimit të qytetares në zyrat e pristjes së publikut punonjëset i thonë se shtëpitë me nivel dëmtimi DS4 në qytetin e Kavajës nuk kanë filluar akoma të restaurohen. Pas disa këmbënguljeve të saj për një përgjigje më të saktë, polici bashkiak e nxjerr nga ambjentet e bashkisë duke i thënë se nuk të durojmë dot. Por, drejtori i kabinetit të bashkisë, Shpend Barameta thotë për gazetarët se zonja e ka marrë pergjigjen e duhur, por duhet të bëhët një kërkesë për informacion për shpjegime më të detajuara. Pas kërkesës për informacion drejtuar Bashkisë Kavajë në përgjigje thuhet se Bashkia Kavajë ka dërguar kërkesën për fonde, por jemi në pritje të miratimit te fondit. Instituti i Ndërtimit ka rekomanduar që objekti duhet t'i nënshtrohet rikonstruksionit dhe vlera e përllogaritur është 2.554.040.83 lekë të rinj.