Fiks Fare/ Regjistrat e Gjëndjes Civile të dëmtuar, ligji detyron qytetarët t’i drejtohen gjykatës

Z. IlirTusha emigrant prej tri vitesh në Francë, I lindur në 1.4.1976 në Poliçan të Skraparit kërkon që të marrë një certifikatë personale nga Akti i Lindjes e cila jepet nga arkiva e Prefekturës në Çorovodë, por nuk mund ta marrë. Punonjëset e Gjendjeve Civile si në Poliçan dhe në Çorovodë i thonë se regjistri ku ruhen këto të dhëna është djegur në vitin 1997 dhe në këto kushte ai duhet të drejtohet në gjykatë për të marrë një vërtetim të tillë. Fiksi u interesua edhe në DPGJC se përse qytetarët duhet të hapin gjyq për një gjë që nuk është faj i tyre që ka ndodhur. Alketa Shpuza specialiste në Drejtorinë e Përgjithshme të Gjendjeve Civile të Shqipërisë në Ministrinë e Brendshme sqaron se neni 388, i Kodit Procedurës Civile ka parashikuar që këta persona duhet t'i drejtohen vetëm gjykatës për të marr këtë vërtetim. Edhe pse nuk është faj i qytetarëve znj. Shpuza pohon se nuk mund të veprojnë ndryshe pasi është në kundërshtim me ligjin. Zgjidhje për qytetarët të cilëve u janë djegur apo dëmtuar të dhënat në regjistra, është vetëm drejtimi në gjykatë.