Në Fiks Fare mbërriti një denoncim nga një qytetar i cili kishte hasur probleme me Kartën e Identitetit. Në momentin që ai ka rinovuar ID e tij pranë zyrave të Aleat ka vënë re një gabim në vendlindjen e tij , ku shkruhej lagjja nr.4 pa emrin e qytetit. Qytetari shpjegon se në momentin e tërheqes së ID pranë Aleat-it të Njësisë 4 ka refuzuar të marri kartën, pasi në të nuk shkruhej qyteti i lindjes por vetëm lagjja. Punonjësja e Aleat i shpjegon se nuk është gabim i Aleat por që ashtu figurojnë të dhënat e zotërisë në sistem. Për të bërë ndryshimin në sistem ai duhet t'i drejtohej Njësisë Nr.4 për korigjim. Edhe në këtë njësi qytetarit i tregojnë se ashtu figuron në sistem vendlindja e tij, pra në Lagjen nr .4. Por ky gabim qytetarit i ka kushtuar shumë, pasi i ka krijuar probleme kudo që është paraqitur pasi dokumenti bazë siç është Karta e Identitetit nuk ka patur vendlindjen si qytet.