Adriatik Luçaj u ankua në emisionin Fiks Fare se nuk i mbajnë denoncimin në Komisariatin e Policisë Vlorë, pasi oficeri i policisë gjyqësore Bardhosh Çeloleskaj njeh kërcënuesit. Ai tregon se ka patur probleme me ish bashkëshorten me të cilën edhe ështe divorcuar. Por sipas tij ka probleme me familjarët e saj, të cilët edhe e kanë kërcënuar, për këtë arsye ai ka shkuar disa herë në ambjentet e policisë, por është përcjellë. Kjo me arsyetimin se polici tek i cili ka dhënë kallzimin i ka miq kërcënuesit dhe se do fliste ai me ta , ndaj nuk ishte e nevojshme për kallëzim. Ai tregon se ish baxhanaku e ka kërcënuar dhe i ka thënë të mos u afrohet fëmijëve të tij. Gjithashtu pjestarë të tjerë të familjes së ish gruas e ndjekin , por ai tregon se nëse shkon në komisariat sërish denoncimi nuk do t'i mbahet. "Unë kam vajtur të bëj denoncim dhe s'ma kanë mbajtur, dhe sa herë shkoj polici më thotë merrem unë , merrem unë, nuk mban kallëzim" thotë Adriatiku.