Dimetridazoli është një medikament që përdoret kryesisht te shpendët, por edhe te kafshët që kanë probleme me mëlçinë dhe parazitët. Ky ilaç i rrezikshëm të cilin Europa e ka hequr nga lista e medikamenteve veterinare që në vitin 1995, në vendin tonë shitet fare lehtë. Kjo në kundërshtim të plotë me ligjin pasi nuk është pjesë e listës së medikamenteve veterinare të miratuar as nga Ministria e Bujqësisë. Pavarësisht kësaj ai gjendet nën banakun e farmacive të kafshëve ashtu siç e faktoi edhe Fiks Fare . Fuqia e këtij ilaçi është aq e lartë, saqë mund të sjell malformime të fetusit si dhe nxit sëmundjet kancerogjene. Por çfarë faktoi Fiksi? Gazetarët e emisionit investigativ e blenë këtë medikament në dy farmaci veterinare, njëra në Bubullime të Lushnjes dhe tjetra në Fier Shegan po Lushnje.