Në dosjen e ndodhur në përmbarim nuk ka asnjë faturë sesi u prishën dhe ku u paguan këto para, përmbaruesi aktual ngre supet pasi s'mund të përgjigjet se çfarë ka ndodhur më përpara. Sot përmbaruesi është para faktit që s'ka para, institucionet shtetërore nuk i ofrojnë mbështetje dhe qytetarja endet të gjejë të drejtën që në fakt ja dha gjykata, por po ja mohon përmbarimi. Përmbaruesja aktuale tregon për gazetarët e Fiksit se nuk ka çfarë të bëjë, pasi kjo është një dosje e vjetër dhe kanë përgjegjësi ata që e kanë patur më parë se përse kanë marrë paratë dhe nuk kanë bërë ekzekutimin. Madje ajo sqaron se në dosje nuk ka asnjë faturë sesi janë prishur këto para.