Fiksi kërkoi bashkëpunimin e Komisariatit të Policisë rrugore në Tiranë, të cilët vunë në dispozicion një patrullë. Sëbashku me specialistin e rregullimit të trafikut Gerhard Baka, përshkuan rrugën nga komisariati i policisë rrugore drejt rrugës së Dibrës. Që në hyrje tek Farmacia 10 në të dy anët e rrugës u konstatuan mjete të ndryshme të parkuara mbi korsitë e biçikletave apo edhe duke e zënë komplet korsinë. Gjatë përshkrimit tre herë të të njëjtës rrugë në pamjet e Fiksit u pa që mjetet lëviznin dhe në vend të tyre ndalonte një mjet tjetër, apo edhe mjete të ndaluara prej kohësh. Rezultati ishte i njëtë korsi e bllokuar. Fiksi asistoi gjatë masave administrative e cila ishte nga 1000 deri 3000 lekë të reja masa maksimale për ndalim mjeti në korsinë e dedikuar. E përkthyer ndryshe nëse kundravajtësi kryen pagesën brënda 15 ditëve me ligjin e ri në fuqi, ai do të paguaj 1500 lekë të reja. Masat që u morën brenda një afati kohor prej 2-3 orësh. 35 masa administrative u morën nga policia rrugore për parkim mbi korsinë e dedikuar apo edhe parkim dyshe.