Pas më shumë se 12 vitesh në fshatin Drenovicë të Dimalit ka filluar puna për pastrimin e kanaleve të ujrave të zeza dhe të bardha nga Bashkia. Por banorët e fshatit ankohen në emisionin Fiks Fare se të gjitha mbetjet bashkia i ka depozitur pranë banesave të tyre.Të irrituar nga kjo situatë e krijuar se fundmi ku përveç aromës së rëndë banorët janë të frikësuar dhe për përhapjen e sëmundjeve infektuese si pasojë e mbetjeve. Ata rrëfejnë se jetesa e tyre është bërë e pamundur ndaj dhe kanë bllokuar skrepin e bashkisë dhe nuk e lejojnë të lëvizë pa hequr mbetjet nga dera e shtëpisë së tyre. Banorët i janë drejtuar fiksit për ndihmë.Gazetarët e fiksit shkojnë takojnë banorët dhe më pas i drejtohen bashkisë Dimal për të zgjidhur këtë situatë. Punonjësja e bashkisë pasi komunikon menjëherë me administratorin dhe nënkryetarin e bashkisë u thotë gazetarëve se kjo situatë do zgjidhet. Do bëhet menjëherë ndërhyrja në terren për largimin e të gjitha inerteve dhe mbetjeve nga banesat e qytetarëve si dhe do bëhet pastrimi i të gjithë pjesës së mbetur. Dhe kështu ndodhi, inertet u hoqën menjëherë pas interesimit të Fiksit.