Fiksi Fare iu drejtua Komisionit Mjekësor Epror të caktimit të aftësisë për punë për rastin e 36 vjeçares Enkelejda Gjoci. Në përgjigjen e tij KMCAP sqaron se zonja Gjoci ka qenë përfituese e pagesës së aftësisë së kufizuar për 5 vite me radhë. Në vitin 2021 dosja e saj është dërguar për komisionim në komisionin e nivelit të parë të shëndetit mendor. Ky komison e ka vlerësuar me divergjencë, që do të thotë se dosja e 36 vjeçares kalon automatikisht për vlerësim në KMCAP-in Epror të Shëndetit Mendor. Pacientja e cila vuan nga probleme të shëndetit mendor, është njoftuar nga njësia adminsitrative që të paraqitej pranë Kempit Epror, por sipas këtij të fundit ka refuzuar. Pas interesimit të Fiks Fare, Kempi Epror e ka thirrur sërisht në komision pacienten. Anëtarët e Kempit Epror kanë vlerësuar se kjo paciente përmbush kriteret për vizitën nëpërmjet platformave online, pasi e ka të pamundur të paraqitet fizikisht në komision. Pas vizitës online, Kempi Epror del në konkluzionin se 36 vjeçarja Gjoci është komsionuar dhe ka dalë përfitues.