Pas transmetimit të rastit të 13 vjeçares, identifikuar si viktimë shfrytëzimi dhe trafikimi reaguan edhe institucionet që më parë ia hidhnin përgjegjëdinë njëra tjetrës. Bashkia Sarandë vuri sërish në dispozicion të Fiks Fare një shkresë ku kërkon ndihmën e Shërbimit Social Shtetëror dhe Agjencisë së Mbrojtjes së Fëmijëve, që vajzën ta çojnë në qendër rehabilitimi për shkak të rrezikut emergjent. Agjencia e Mbrojtjes së Fëmijëve nga ana e saj ka ngritur grupin ndërsektorial në ndërgjegjësimin e vajzës në lidhje me shërbimet që do të marri në qendrën e rehabilitimit. Ndërkohë që Fiksi mësoi se vajza ditën e sotme nuk ishte paraqitur në mësim, por ndërkohë në drejtorinë e shkollës ka vajtur një inspektim nga Drejtoria Rajonale Arsimore Fier. Kjo pasi shkolla që frekuenton e mitura nuk ka psikolog. Shërbimi social pranë bashkisë konfirmoi për Fiksin se vajza është nën mbikqyrje pa treguar vend ndodhjen e saj.