Shefqet Hyka banor i Tiranës që prej 1994 u ankua ne emisionin Fiks Fare se nuk po paiset me dokument pronesie nga Kadastra edhe pse i ka të gjitha dokumentet dhe i ka bërë pagesat e faturave. Si gjithë të tjerët edhe z. Hyka u shpërngul në Tiranë dhe ndërtoi shtëpinë e tij. Më pasi ai plotësoi dosjen për legalizimin e saj. Shtëpia iu legalizua ku mori dhe certifikatën e pronësisë, por trualli jo. Kjo pasi asokohe iu tha se trualli kishte mbivendosje, kështu që kohë më vonë z. Hyka kërkoi edhe dokumentin e pronësisë për truallin. Nga zyra e kadastrës u lajmërua të bënte pagesat, pasi nuk ekzistonte asnjë problematikë tjetër mbi truallin e tij. Pesë vite më parë këto pagesa janë kryer dhe në bazë të faturave që z.Hyka disponon kapin vlerën e 5 milionë lekëve të vjetra. Pas pagesës i është komunikuar se certifikata e pronesisë së truallit do t'i shkonte me postë në shtëpi. pas dy javëve në shtëpinë e tij mvbërrin zarfi nga hipoteka me përgjigjen se nuk mund të bëhet pronar, pasi ka pretendë të tjerë për pronën! Në këto kushte ai i pamundur të kuptojë se ku është e gjithë meseleja i është drejtuar për ndihmë Fiks Fare.