Fiksi u interesua tek zyrat e OSHEE Kurbin. Drejtori i njësisë Erjon Marku pohon se i di ankesat e banorëve të Fushë Gjormit, madje i ka pritur personalisht në zyrë dhe u ka shpjeguar se si qëndron situata. Ai shprehet se projekti është gati, por janë në pritje të miratimit të tij. Miratimi në Drejtorinë Rajonale Burrel është bërë, pritet dhe miratimi nga drejtoria e përgjithshme. Në bazë të këtij projekti do bëhen kabina të reja elektrike si dhe rrjet me ABC që nuk është bërë më përpara. Pyetjes së gazetarëve se kur mund të ndodhi kjo, drejtori iu përgjigj për një afat prej 3-4 muajsh.