Procesi i restaurimit të objekteve mësimore si pasojë e dëmtimeve të tyre nga tërmeti i nëntorit të vitit 2019 në disa prej shkollave ka ngecur në vend. Pak ditë më parë prindërit e nxënësve të shkollës "26 Nëntori" kanë kërkuar ndihmën e emisionit Fiks Fare, pasi që prej tërmetit kjo shkollë është jashtë funksionit. Që prej muajit dhjetor të vitit 2021 nxënësit e kësaj shkolle duhet që procesin mësimor ta zhvillojnë në gjimnazin "Besnik Sykja" në Tiranë, ku mësimi do të zhvillohej me dy turne. Prindërit e nxënësve shprehen të shqetësuar, pasi për ata dhe fëmijët është shumë e lodhshme. Ata pohojnë se ok shkolla u dëmtua nga tërmeti, por nuk po bëhet asgjë për fillimin e punimeve që ajo të vihet sërisht në punë e të hapë dyer për nxënësit. "Ky vit iku si iku, çfarë do bëhet për vitin e ardhshëm? " është pyetja që prindërit ngrejnë.