I aksidentojnë djalin duke i thyer klavikulën, por mjeku harron të shkruaj diagnozën në regjistër dhe mjeku ligjor e nxjerrë me dëmtime të lehta. Duke ulur kështu kujdesin në shtëpi nga 40 në 9 ditë. Nëna ka hapur një proces gjyqësor ku kërkon dëmshpërblim për atë që i ka ndodhur djalit, por ka parë shumë parregullësi gjatë këtij procesi, ndaj u ankua në Fiks Fare. Fiksi intervistoi nënën tek vendi ku ka ndodhur ngjarja. Shumë pranë stacionit të autobuzit në rrugën që të çon në Kamëz nëna tregon se djali ishte vetëm një hap në rrugë, pranë me trotuarin kur është përplasur nga një motorr. Ajo ankohet se nuk janë pasqyruar të gjitha dëmtimet që ka marrë i biri nga aksidenti edhe e gjithë kjo situatë i është dukur shumë e dyshimtë.