Në redaksine e emisionit Fiks Fare mbërriti një informacion se një mjeke psikiatre në Durrës lëshon raport mjekësor pa e parë pacientin. Mjafton t'i thuash diagnozën që do dhe kundrejt pagesës psikiatrja ta dorëzon në dorë. Fakti bëhet edhe më interesant por i rëndë njëkohësisht kur Fiksi kupton se këtë gjë e dinë edhe mjekët e familjes. Emri i parë ku të adresojnë është mjekja Greta Guga . Kështu fillon e dhe investigimi i Fiksit. Një bashkëpuntore e emisionit fillimisht i drejtohet një mjeke familje , të cilës i thotë hallin që ka. Ajo i tregon se bashkëshortit të saj i është refuzuar viza përr jashtë shtetit dy herë dhe kërkojnë që të paraqesin një dokument ku ai ka probleme të shëndetit mendor dhe duhet t'i bashkohet vëllait të tij për t'u kuruar atje. Këtë sugjerim sipas bashkëpunëtores së Fiksit ia ka bërë një avokat dhe kërkon ndihmë se si mund ta marrë këtë raport mjekësor.Këtë sugjerim sipas bashkëpunëtores së Fiksit ia ka bërë një avokat dhe kërkon ndihmë sesi mund ta marrë këtë raport mjekësor. Mjekja e familjes e cila i jep rekomandimin edhe pse i personit që iu lëshua nuk ishte pacient i saj , i përmend emrin e psikitre Gretës duke i thënë bashkëpunëtores së Fiksit që t'i fliste edhe asaj hapur se për çfarë e donte dokumentin.