Sot mbushen dhjetë vite nga 21 Janari i vitit 2011, kur Garda e Republikës, asokohe nën komandën e ish-komandantit Ndrea Prendi, ish-ministrit të Brendshëm, Lulzim Basha dhe ish-kryeministrit Sali Berisha, hapi zjarr ndaj protestuesve të thirrur nga Partia Socialiste para Kryeministrisë, duke vrarë katër protestues të pafajshëm dhe plagosur gjashtë të tjerë. Dy mjekët e Spitalit Ushtarak, Sami Koçeku dhe Alfred Gega, asokohe dolën në përfundimin se vdekja e 4 shtetasve, kishte ardhur si rezultat i goditjes nga armët e zjarrit dhe se qitja ishte kryer nga një distancë shumë e afërt. Pas hetimeve, shqyrtimit të qindra prova shkencore, këqyrjes së pamjeve filmike, analizimit të akt-ekspertimeve mjeko-ligjore dhe balistike, përfshi ekspertime të kryera nga FBI-ja amerikane, u hodh poshtë deklarata e dy mjekëve specialistë.