Sistemi i referimit on line të pacientëve si për te mjeku specialist po ashtu për të marrë ilaçet në farmaci nëpërmjet sistemit e - receta është prezantuar me shume bujë nga qeveria Rama. Ai u trombetua si një sistem që do zgjidhte përfundimisht radhët e gjata të pacientëve për një recetë apo vizitë te mjeku specialist. Për këtë sistem janë dhënë në vitin 2021, 187 milion lekë nga buxheti i shtetit që të mirëmbahet , por kjo e fundit nuk ka ndodhur, pasi prej 1 jave sistemi nuk funksionon. Në prill 2021 AKSHI ka finalizuar tenderin ku fituese ka rezultuar kompania Infosoft Systems me vlerë 187 milionë lekë të rinjë pa TVSH. Por pavarësisht këtyre pacientët kanë mbetur pa ilaçe prej 1 jave. Emisioni Fiks Fare solli qendra shëndetësore të kryeqytetit dhe qytetit të Beratit ku mjekët e familjes shprehen të shqetësuar se nuk i përgjigjen dot pacientit.