Por sot në këtë shkollë ka dhe nga ata profesorë që kërkojnë para për zhvillimin e orëve mësimore. Fiksi solli rastin e profesor Shpëtim Dajçit i cili në orën ë baletit u kërkon para nxënësve të vitit të katërt për orën e mësimit. Sipas tij nuk e paguan shteti për këtë gjë dhe se 1 mijë lekë të vjetra që ai kërkon në ditë nuk janë asgjë krahasuar me çmimet e mësimit në privat. Edhe pse nga dy nxënës kundërshtohet pagesa, profesori thotë unë lodhem në këtë punë, ndaj nxënësit duhet të paguajnë por pa e konsultuar këtë gjë me mësuesit e tjerë. Të ndodhur përpara këtyre fakteve emisioni Fiks Fare mori një përgjigje dhe në Zyrën Vendore Arsimore Tiranë e cila thotë se të gjithë mësuesit e kësaj shkolle shkojnë aty nëpërmjet portalit "Mësues për Shqipërinë", në rastin konkret zgjidhja është gjetur me mësues të shkollës të cilët do paguhen për orët shtesë. Sipas këtj institucioni , nxënësit nuk duhet të paguajnë në asnjë llojë rrethane për zhvillimin e mësimit në ambjetet e shkollave publike.