Gazetarët e Fiks Fare shkuan sërish te kjo familje, por pa lajmëruar askënd, për të parë nëse janë marrë apo jo masa. Grupi i Fiksit gjen sërish kryefamiljarin Mitër Prifti duke gatuar. Ai po pastronte disa speca për ti skuqur. E pyesin se kush gatuan, ndërsa përgjigjet se "unë gatuaj". Pyetjes nëse ka ardhur apo jo Aida, thotë se ka ardhur, na ka sjellë disa gjëra, po sërish ai gatuan. Ditën që shkoi Fiksi për herë të dytë, kryefamiljari kishte gatuar gjellë me oriz dhe speca të skuqur. Ndërkohë, gazetarët e pyesin se kush pastron, na thotë se "Erjeta (vajza me aftësi ndryshe)". Gazetarët shkuan te dhoma ku flenë, ku konstatojnë se ndryshe nga hera e parë, janë vendosur disa çarçafë dhe jorganë. Por, dyshekët janë sërish të papastruar. Vendi është sërish i pistë, me lagështirë, urinë.