Infermierja e Qendrës së Zhvillimit Shkodër , ka thyer karantinën duke rrezikuar 46 personat rezidentë, të cilët manifestojnë probleme shëndetësore të ndryshme. E planifikuar për të qëndruar në karantinë për një muaj, Shota Marku infermiere në Qendrën e Zhvillimit Shkodër del nga ky institucion duke qëndruar në kafe me persona të tjerë, pa respektuar masat e sigurisë siç është maska. 46 është ndërkohë numri i personave rezidentë në këtë qendër për të cilët ka patur edhe staf që janë karantinuar me periudha 15 ditore apo 1 mujore. Sipas vëzhgimit që gazetarët e emisionit Fiks Fare kanë bërë në terren për këtë rast edhe ditën e dytë infermierja del në kafe bashkë me një kolege të saj.Gazetarët shkojnë në institucion dhe pyesin fillimisht ekonomistin ,i cili thotë se për personat e karantinuar ka patur pagesa shtesë përveç rrogës.Ai shpjegon se janë 9 persona që detyrimisht duhet të jenë në karantinë midis tyre edhe infermieja Shota Marku e cila ka qëndruar në karantinë dhe më parë, në fillim të pandemisë covid 19.Gjithashtu gazetarët e Fiksit pyesin drejtorin e këtij institucioni sipas të cilit nuk është në dijeni se infermierja ka thyer karantinën ,ai thekson ndër të tjera se nëse kjo gjë ka ndodhur atëherë që nga ky moment infermierja do shkojë në shtëpi dhe do vijoëj me proçedurat e masave kundrejt saj. Në një intervistë për gazetarët e Fiksit vetë infermierja pranon se ka thyer karantinën duke shkuar në kafe, gjithashtu në maternitet për të vizituar mbesën ,por sipas saj nuk ka rrezikuar të tjerët sepse nuk ka pasur persona afër.Gjithashtu pranon se në kafe ka qenë pa maskë .