Fiks Fare trajtoi shqetësimin e dy prindërve nga Durrësi, të cilët ngritën problemin e djalit të tyre pasi i jan vjedhur identiteti. Si pasojë ai nuk aplikon dot për pasaportë pasi sistemi automatikisht e bllokon. Bedri Hazizi tregoi për Fiksin se të birit, Vilson Hazizi i kanë vjedhur gjeneralitetet. Djali i tij ka qënë i larguar shumë kohë jashtë Shqipërisë , në Greqi duke punuar në mënyrë ilegale. Në vitin 2018 ai aplikoi në Konsullatën Shqiptare në Selanik për herë të parë për t'u pajisur me pasaportë biometrike.Vilsonit iu komunikua se me emrin e të dhënat e tij është bërë një pasaportë. Pas kësaj vet zoti Bedri , shkoi te Drejtoria e Policisë Durrës, dhe bëri një kallëzim penal. Nga veprimet e mëtejshme, Prokuroria e Durrësit vendosi që t'ja kalojë përsëri Drejtorisë të Policisë Durrës për hetime dhe verifikime, në 6 maj 2019. Z.Bedri tregoi se nuk ishte bërë asnjë gjë për të zgjidhur problemin, duke u sorrollatur pa rezultat."