Edmond Pepa 30 vjeç nga Pobrati i Elbasanit është një i ri me aftësi ndryshe pa punë dhe jeton në fshat me prindërit e tij. Ai ka lindur me një pamundësi për të folur, sepse ka një problem në rrugët e frymëmarrjes. Më gjithë vështirësitë e sëmundjes, ai është i palodhur për të bërë diçka në jetë. Ai ka kryer studimet Bachelor në Gjirokastër për mësuesi dhe ka bërë master profesional në Universitetin "A. Xhuvani" Elbasan për Redaktori me mesatare 9.23. Në fshat ai merret me kujdesin e pak kokë dhive dhe të ardhurat si familje i kanë të pakta. Gjendja e shtëpisë së tyre është shumë e keqe. Ata marrin një ndihmë ekonomike 5000 lekë dhe 10 000 lekë si raport KEMP për sëmundjen e tij dhe këto nuk i dalin as për ilaçet . Duke qenë se ai e ka të pamundur që të jap mësim si mësues, për shkak të problemit në të folur kërkon që t'i jepet mundësi të punoj në profesionin e redaktorit nëse gjendet një vend i tillë pune.