Çështja kaloi në prokurori, ku prokuror i çështjes Dashnor Nure ,me datën 16 mars 2022 vendosi mosfillimin e procedimit penal për kallëzimin e “Marrjes së fëmijës pa të drejtë”. Në njoftimin e prokurorit thuhet se është e qartë vepra penale e mbajtjes së fëmijës pa të drjtë, por sipas Kodit të Procedurës Penale i dëmtuari duhet t'i drejtohet direkt gjykatës. Pasi këtë të drejtë shprehet prokurori ia jep ligji si palë e dëmtuar. Kështu që qytetari ju drejtua Gjykatës Korçë, ku gjyqtarja Luljeta Kole me datë 01 shkurt 2023 vendosi ta quajë të pavlefshëm kallëzimin e qytetarit për “Marrje të padrejtë të fëmijës”, kjo pasi e akuzuara Flutura Manuka nuk ishte gjetur në adresën e shënuar në fletëthirrjen e gjykatës. Pra atë që gjykata nuk e gjeti dot gazetarët e Fiksit e gjetën fare thjeshtë në rrjetet sociale dhe komunikuan me të. E akuzuara u shpreh se e ka kaluar vajzën pa një prokurë, dhe këtë dokument polici në pikën kufitare nuk ja ka kërkuar. Ajo tregon se ka qenë me të motrën në makinë dhe se ishte fati i vajzës që kaloi. " Ishte fati vajzës, pasi kam qenë në makinë me motrën , polici na pyeti familjare jeni , i thamë po dhe kaluam" shprehet ajo në telefonatën që pati me gazetarët e Fiks Fare.