Një konflikt për lejet e shfrytëzimit për vendosjen e tezgave të cilat jepen në fillim të sezoneve verore në Pogradec ka degraduar në dhunë fizike midis një subjekti dhe punonjësve të bashkisë.Renato Vesholli ka marrë një leje shfrytëzimi për vendosje tezge në pedonalen e qytetit pak metra larg bregut të liqenit. Kjo leje është tejkaluar nga subjekti duke u bërë objekt inspektimi dhe vënie gjobe nga punonjësit e shtetit të cilët janë dhunuar fizikisht nga pronari i tezgës . Njëkohësisht ky subjekt vazhdon të mos respektojë lejen dhe punonjësit e shtetit të kërcënuar nga pronari vazhdojnë të heshtin.